ޝައިޠާނާގެ ކިބައިން ރައްކާތެރިވާނެ ދިހަ ގޮތެއްވުޟޫކުރުމާއި ނަމާދުކުރުން

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

ނުވަވަނައީ ވުޟޫކުރުމާއި ނަމާދުކުރުމެވެ. މިއީ ޝައިޠާނާގެ ކިބައިން ރައްކާތެރިވުމަށް ކުރެވޭނެ އެންމެ މަތިވެރި އެއް ކަންތަކެވެ. ވަކިން ޚާއްޞަކޮށް ރުޅިގަދަވެ މީހާގެ ޝަހުވަތް ގަދަވެފައިވާ ވަޤުތުތަކުގައެވެ. އެހެނީ ރުޅިއަކީ އާދަމުގެ ދަރިއާގެ ހިތުގައި ކެކިކެކި ހުންނަ އަލިފާނެކެވެ. (ޖާމިޢު) ތިރުމިޛީގައި އަބޫ ސަޢީދު އަލްޚުދްރީ رَضِيَ اللهُ عَنْهُގެ ކިބައިން ގެންނަވާފައިވެއެވެ. ނަބިއްޔާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.

އަދި އެހެން އަޘަރެއްގައިވެއެވެ.

ވުޟޫ އަދި ނަމާދު ފަދަ އެހެން ކަމަކުން ރުޅިވެރިކަމާ ހަވާނަފުސުގެ އެދުންތަކުގެ އަލިފާން، އިންސާނާ ނިއްވާނުލައެވެ. ފަހެ އެއީ ހަމަ އަލިފާނެކެވެ. އަދި ވުޟޫ އެ އަލިފާން ނިއްވާލައެވެ. އަދި ޚުޝޫޢަތްތެރިކަމާ އެކު ހިތް ޙާޟިރުކޮށް ހުރެ ނަމާދުކޮށްފި ނަމަ، މި ހުރިހާ ކަމެއްގެ އަޘަރުތައް ފިލުވާލައެވެ. މި ކަމަކީ އިތުރަށް ދަލީލުތަކަށް ބޭނުން ނުވާ ވަރަށް، ތަޖުރިބާ ކުރެވިފައިވާ ކަންކަމެވެ.