ފިޤުހުފޮތް — ދީނީ ޢިލްމުތައް ލިޔެފައި ހުންނަ ފޮތް

(ކީރިތި) ޤުރުއާން ތިލާވަތުކުރުމަކީ ހަމައެކަނި އޭގެ އަކުރުތައް ކިޔައިލުމެއް ނޫނެވެ. ނުވަތަ އޭގެ އާޔަތްތަކާއި ސޫރަތްތައް ހިތުދަސްކުރުމެއް ވެސް ނޫނެވެ. އަދި ކިއެއް! (ކީރިތި ޤުރުއާން) ތިލާވަތުކުރުމުގެ ޙަޤީޤަތަކީ (އެ ފޮތް) ކިޔެވުމާއި، (ކިޔެވޭ އެއްޗަކާ މެދު) ވިސްނައި ދެނެގަތުމާއި، އަދި (އެ ފޮތުގައިވާ އެއްޗަކަށް) ޢަމަލުކުރުމެވެ. ފަހެ، ޤުރުއާނަށް ޢަމަލުނުކުރާ މީހާ، ހަމައެކަނި އޭގެ އަކުރުތައް ހިތުދަސްކުރުމަކުން އެ ފޮތުގެ އަހުލުވެރިންގެ ތެރެއަކުން ނުވެއެވެ. އަދި ކިއެއް! (އޭނާ އަދާކުރާ) އަޅުކަންތަކާއި، (އޭނާގެ) އަޚްލާޤާއި، އަދި ﷲ ކޯފާ ވެވޮޑިގަންނަވާ ކަންކަމުން ދުރުހެލިވުމުގައި އޭނާގެ ކިބައިން ޤުރުއާނަށް (ޢަމަލުކުރުން) ފެނިގެންދާންދެން އޭނާ އެ ފޮތުގެ އަހުލުވެރިންގެ ތެރެއަކުން ނުވާނެއެވެ. [عبدالرزاق بن عبدالمحسن البدر] ~ ފިޤުހުފޮތް