ރޯދައިގެ ބައެއް ސުންނަތްތައްހާރުކެއުމާއި ހާރުކެއުން ލަސްކުރުން

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

ފަޖުރު ލައިފި ކަމާމެދު ޝައްކުވެފައި ވަނިކޮށް ޖިމާޢުވުން މަކުރޫހައެވެ. އިމާމު އަޙްމަދު ނައްޞުކުރެއްވިއެވެ.[1] ސަބަބަކީ އެއީ (އެބަހީ: ޖިމާޢުވުމަކީ) ރޯދައަށް ހުރުމަށް މީހާގެ ހަށިގަނޑު ވަރުގަދަކޮށް ތައްޔާރުކޮށްދޭ ކަމަކަށް ނުވާތީއެވެ. އަދި އެއީ ކައްފާރާ ވާޖިބުވުމުގެ މައްޗަށް ހުށަހެޅިގަތުން ވެސް އޭގައި ވާތީއެވެ.

މިއާ ޚިލާފަށް، ފަޖުރު ލައިފި ކަމާ މެދު ޝައްކުވެފައި ވަނިކޮށް ހާރުކެން މަކުރޫހައެއް ނޫނެވެ. އިމާމު އަޙްމަދު ނައްޞުކުރެއްވިއެވެ. އަދި "އައްރިޢާޔަތު"ގައި ވެއެވެ. އެންމެ އައުލާއީ މި ބުނެވުނު ޙާލަތުގައި ނުކެއުމެވެ. މި ފަދައިން އަލްމަޖްދު (رَحِمَهُ اللهُ) ކަނޑައެޅުއްވިއެވެ.

ރޯދަވެރިޔާގެ މައްޗަށް ހާރުކެއުމަކީ ސުންނަތެކެވެ. އެއީ (އަންނަނިވި) ހަދީޘްފުޅުގެ މައްޗަށް ބިނާކޮށެވެ. (ރަސޫލާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.) تَسَحَّرُوا، فإنَّ في السَّحُورِ بَرَكَةً. މާނައީ: "ތިޔަބައިމީހުން ހާރުކާށެވެ. ފަހެ ހާރުކެއުމުގައި ބަރަކާތެއް ވެއެވެ." މި ޙަދީޘް ބުޚާރީ އަދި މުސްލިމު ނެރުއްވިއެވެ.[ ]

މި ޙަދީޘް ބުޚާރީ އަދި މުސްލިމު ނެރުއްވިއެވެ.[2]

ފަޖުރުލައިފާނެ ކަމުގެ ބިރު ހީ ނުވާ ނަމަ، ހާރުކެއުން ލަސްކުރުމަކީ ސުންނަތެކެވެ. އެއީ ޒައިދު ބުން ޘާބިތު (رَضِيَ اللهُ عَنْهُ)ގެ އަންނަނިވި ޙަދީޘްފުޅުގެ މައްޗަށް ބިނާކޮށެވެ. އެކަލޭގެފާނު ވިދާޅުވިއެވެ.

މި ޙަދީޘް ބުޚާރީ އަދި މުސްލިމު ނެރުއްވިއެވެ.[3]

ހާރުކެއުން ލަސްކުރުން އެދެވިގެންވާ ސަބަބަކީ ހާރުކެއުމުގެ މަޤްޞަދަކީ ރޯދައަށް ހަށިގަނޑު ވަރުގަދަކޮށް ތައްޔާރުކުރުމެވެ. އަދި ހާރުކެއުން ފަޖުރުލުމާއި ކައިރިކުރި ވަރަކަށް އެ މީހަކަށް އެ ކަމުގެ ފައިދާ ބޮޑު ވެއެވެ.

ބުއިމަކުން ވިޔަސް ހާރުކެއުމުގެ މާތްކަން އެ މީހަކަށް ޙާޞިލުވާނެއެވެ. އެއީ އަންނަނިވި ޙަދީޘްފުޅުގެ މައްޗަށް ބިނާކޮށެވެ. (ރަސޫލާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.)

ހާރުކެއުމުގެ މާތްކަން އެންމެ ފުރިހަމައަށް ޙާޞިލު ވާނީ އެއްޗެއް ކައިގެންނެވެ. އެއީ އެ ކަމުގައި ޙަދީޘް އައިސްފައި ވާތީއެވެ. އަދި ހާރުކެއުމުގެ މާތްކަން އެންމެ ފުރިހަމައަށް ޙާޞިލު ވުމުގައި އެ ކާ އެއްޗަކީ ކަދުރުކަމުގައި ވެސް ވާންވާނެއެވެ. އެއީ (އަންނަނިވި) ޙަދީޘްފުޅުގެ މައްޗަށް ބިނާކޮށެވެ. (ރަސޫލާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.)