ސުވަރުގެ ވަނުމަށް ދެކޮޅުހެދުން

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

އަބޫ ހުރައިރާ ގެ ކިބައިން ރިވާވެފައިވެއެވެ. ރަސޫލާ صَلَّىٰ اللهُ عَلَيْهِ وَسَلَّم ޙަދީޘްކުރެއްވިއެވެ.

މުޙައްމަދުގެފާނީ ﷲގެ ރަސޫލާ صَلَّىٰ اللهُ عَلَيْهِ وَسَلَّم ކަމަށް އަޅުގަނޑުމެން ހެކިވާ ހެކިވުމުގައި، އެކަލޭގެފާނުގެ ކޮންމެ އަމުރުފުޅަކަށް ކިޔަމަންވުމާއި، އެކަލޭގެފާނު ނަހީކުރެއްވި ކޮންމެ ކަމަކުން ދުރުހެލިވުން ލާޒިމުކުރެއެވެ. ﷲ ތަޢާލާ ވަޙީކުރެއްވިއެވެ.

މި ޙަދީޘުގައި ނަބިއްޔާ صَلَّىٰ اللهُ عَلَيْهِ وَسَلَّم މި ޙަދީޘްކުރައްވަނީ:

މާނައަކީ ސުވަރުގެ ވަނުމަށް މަނާވެގަނެ ދެކޮޅުހަދައިފި މީހަކު ފިޔަވައި، ކޮންމެ މީހަކު ވެސް (ޤިޔާމަތް ދުވަހު) ސުވަރުގެ ވަންނަ ހުއްޓެވެ.

ދެން ޞަޙާބީ ބޭކަލުން رَضِيَ اللهُ عَنْهُمْ، މި ކަމާ ޙައިރާން ވެވަޑައިގެން ވިދާޅުވިއެވެ.

މާނައަކީ: އޭ ﷲގެ ރަސޫލާއެވެ! ސުވަރުގެ ވަނުމަށް ބޭނުން ނުވާ އެއްވެސް މީހަކު ވޭހެއްޔެވެ!؟

ފަހެ ނަބިއްޔާ صَلَّىٰ اللهُ عَلَيْهِ وَسَلَّم (މި ސުވާލަށް) ޖަވާބުދެއްވައި ޙަދީޘްކުރެއްވިއެވެ:

މާނައަކީ: ތިމަންކަލޭގެފާނަށް ކިޔަމަންތެރިކަން އަދާކޮށް، ކީރިތި ޤުރުއާނާއި ސުންނަތުގައި ރަނގަޅަށް ހިފައިފި މީހަކު ސުވަރުގެ ވަދެއްޖެއެވެ. އަދި ތިމަންކަލޭގެފާނު ގެންނެވި ދަޢުވަތު ޤަބޫލުކުރުމަށް އިންކާރުކޮށް، އަދި ތިމަންކަލޭގެފާނު އަމުރުކުރެއްވި ކަންކަމަށް ކިޔަމަންތެރިކަން އަދާނުކޮށް[2]، އެ މީހެއްގެ ހަވާނަފުސު އެދޭހާ ކަމަކަށް ކިޔަމަންތެރިވެ، ރަނގަޅު ގޮތް ދޫކޮށްލައި، ސިދާ ތެދު މަގުން އެއްކިބާވެއްޖެ މީހާ، ނަރަކައަށް ވަދެއްޖެއެވެ.