ތަފްސީރުގެ އުޞޫލުތައްމުއައްލިފުގެ މުޤައްދިމާ

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

ހަމަކަށަވަރުން، ކޮންމެ ޢިލްމީ ދާއިރާއެއްގައި ވެސް، އެ ދާއިރާއެއްގެ އަޞްލުތަކާއި ޤަވާޢިދުތައް އުނގެނުމަކީ ނުހަނު މުހިންމު ކަމެކެވެ. އެއީ އެ ދާއިރާއެއް ރަނގަޅަށް ދެެނެގަތުމަށާއި، އެ އަޞްލުތަކާއި ޤަވާޤިދުތަކުގެ މައްޗަށް ބިނާކޮށް އެ ޢިލްމެއްގެ މައްސަލަތައް ނެރުމަށް މަގުފަހިކޮށްދޭ އެހީތެރިއަކަށް އެ ކަން ވުމަށް ޓަކައެވެ. އަދި އޭނާގެ އެ ޢިލްމަކީ ވަރުގަދަ ބިންގާތަކަކާއި ހަރުދަނާ ތަނބުތަކެއްގެ މައްޗަށް ބިނާވެގެންވާ އެއްޗަކަށް ހެދުމަށް ޓަކައެވެ. (މިހެންވެ ޢިލްމުވެރިން) ބުނެއުޅެއެވެ.

ޢިލްމީ ދާއިރާތަކުގެ ތެރެއިން އެންމެ މަތިވެރި، އަދި ކިއެއް! އެންމެ މާތްވެގެންވާ ދާއިރާއަކީ، ﷲގެ ކަލާމްފުޅުގެ މާނަތައް ބަޔާންކޮށްދޭ (ޢިލްމު ކަމުގައިވާ) ތަފްސީރު ޢިލްމެވެ.[2] ޢިލްމުވެރިން ޙަދީޘް ޢިލްމަށާއި ފިޤުހު ޢިލްމަށް އުޞޫލުތައް ކަނޑައެޅުއްވި ފަދައިން، މި ޢިލްމަށް ވެސް އުޞޫލުތަކެއް ކަނޑައަޅުއްވާފައިވެއެވެ.

(އެންމެ ފުރަތަމަ) އަޅުގަނޑު މި ޢިލްމުން ފަސޭހަވީ މިންވަރަކަށް ތައްޔާރުކޮށް އެކުލަވައިލީ "ޖާމިޢަތުލް އިމާމް މުޙައްމަދު ބުނު ސަޢޫދު އަލްއިސްލާމިއްޔާ"ގެ މަޢުހަދުތަކުގެ ދަރިވަރުންނަށް ޓަކައެވެ. ދެން ވަކި ރިސާލާއެއް (ކުރު ފޮތެއް)ގެ ގޮތުގައި އެކުލަވައިލުމަށް ބައެއް މީހުން (އަޅުގަނޑުގެ ކިބައިން) އެދުމުގެ ސަބަބުން އެ ކަމަށް އިޖާބަދިނީމެވެ. އެއީ ( ޢިލްމު އުނގެނޭ ކުދިންނަށް) ފަސޭހަވެ، އެއްތަނަކުން ފެންނާނެހެން ޖަމަޢަކުރެވިފައި އޮތުމަށް ޓަކައެވެ.[3]

މާތް ﷲ މި ފޮތުގެ ސަބަބުން (އެންމެހައި މީސްތަކުންނަށް) މަންފާކޮށްދެއްވުން އެދި އެ އިލާހުގެ ޙަޟްރަތުގައި ދަންނަވަމެވެ.