ތިބާގެ ހެޔޮ ޢަމަލުތައް ޤަބޫލުކުރެއްވުން އެދޭނަމަ...

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

ﷲ ތަޢާލާ ވަޙީކުރައްވާފައިވެއެވެ.

ކުރާ އަޅުކަމެއް ޞާލިޙު ހެޔޮ ޢަމަލެއް ކަމުގައި ވެގެންދާނީ އެ ކަމެއް މާތް ﷲއަށް ޚާލިޞްކޮށް އަދާކޮށްގެންނެވެ. ދެއްކުންތެރިކަމާއި، މީހުންގެ ތެރޭގައި މަޝްހޫރުވުމާއި އަދި މުދަލަށް ދަހިވެތިވުމާކާނުލައި ހަމައެކަނި ﷲގެ ފަޟްލުވަންތަކަމާއި އެ އިލާހުގެ ރުހިވޮޑިގަތުން އެދިގެން ކުރާ އަޅުކަމެވެ.

ﷲ ތަޢާލާ އެ އިލާހުގެ ރަސޫލާ صَلَّىٰ اللهُ عَلَيْهِ وَسَلَّمَ އަދި އެކަލޭގެފާނުގެ އަޞްޙާބުންނާއި ބެހޭގޮތުން ވަޙީކުރައްވާފައިވެއެވެ.

އެބޭކަލުން ރުކޫޢުކޮށް ސަޖިދަކޮށް އުޅުނީ ކޮންކަމަށް އެދިގެން ހެއްޔެވެ؟

ޢަމަލުކުރުމުގައި ކޮންމެހެންވެސް އިޚްލާޞްތެރި ވާން ޖެހޭނެއެވެ. ޤުދުސިއްޔަ ޙަދީޘެއްގައި މާތް ﷲ ވަޙީކުރައްވާފައިވެއެވެ.

އަޚާއެވެ! ޢަމަލުކުރުމުގައި ދެއްކުންތެރިކަމާ ތިބާ ދުރުވާށެވެ! މީސްތަކުންނަށް ދައްކަން ތިބާގެ ނަމާދު ރީތިކޮށްނުލާށެވެ. އަދީ މީސްތަކުންނަށް ދައްކަން ތިބާ ޞަދަޤާތް ނުދޭށެވެ. ތިބާއަކީ މިވެނި އެވެނި ޢަމަލެއްކުރާ މީހެއްކަން މީސްތަކުންގެ އަނގައިން ބުނުމަށް ތިބާ އެއްވެސް ޢަމަލެއް ނުކުރާށެވެ. ފަހެ ހަމަކަށަވަރުން މިއީ ތިބާގެ ޢަމަލު ބަޠިލުކޮށްލާނެ ކަމެކެވެ.

އަދި ހަމަ މިކަމުގައި, ދެއްކުންތެރިކަމުގެ ބިރު ދައްކައި ހެޔޮ ޢަމަލު ކުރުމުން ދުރުކުރުމަށް ޝައިޠާނާ ތިބާއަށް ވަސްވާސް ދިނަ ނުދޭށެވެ.

މީސްތަކުންގެ ތެރެއިން ބައެއް މީހުން ހެޔޮ ޢަމަލެއް ކުރުމަށް އުޅެފި ނަމަ، ޝައިޠާނާ އައިސް ބުނާނެއެވެ: ތިބާއަކީ ދެއްކުންތެރިއެކެވެ. ޢިލްމުގެ މަޖިލީހަކަށް ދާން އުޅެފި ނަމަ، ބުނާނެއެވެ: ތިބާއަކީ ދެއްކުންތެރިއެކެވެ. ޞަދަޤާދެއް ދޭން އުޅެފި ނަމަ، ބުނާނެއެވެ: ތިބާއަކީ ދެއްކުންތެރިއެކެވެ. އެއީ އެ މީހަކު ހެޔޮ ޢަމަލު ކުރިޔަ ނުދިނުމަށެވެ. ޝައިޠާނާގެ މިފަދަ ވަސްވާސްތަކަށް ތިބާ ފުރަގަސްދީ އެ ކަންކަމަށް އަޅާނުލާށެވެ. އަދި އިޚްލާޞްތެރިވެ (ހެޔޮ) ޢަމަލުކުރުމުގައި ކުރިއަށް ދާށެވެ.

މީގެ އިތުރުން ޢަމަލު ކުރުމުގައި ރަސޫލާ صَلَّىٰ اللهُ عَلَيْهِ وَسَلَّمَއަށް ތަބާވުމަކީ ވެސް ޝަރުޠެކެވެ. މި ޝަރުޠާއި ނުލައި އެއްވެސް ޢަމަލެއް ޞާލިޙު ހެޔޮ ޢަމަލެއް ކަމުގައި ނުވާނެއެވެ. ﷲގެ ދީނަށް، އެ ދީނުގައި ޝަރުޢުކުރައްވާފައި ނުވާ ކަމެއް ގެނެސް ކުރިކަމުގައި ވިޔަށް އެއީ ހެޔޮ ޢަމަލެއް ކަމުގައި ނުވާނެއެވެ. އަދި އެއީ މާތް ﷲގެ ޙަޟްރަތުގައި ލޮބުވެތިވެގެންވާ ޢަމަލެއްކަމުގައި ވީނަމަވެސް (ނަބިއްޔާ صَلَّىٰ اللهُ عَلَيْهِ وَسَلَّمَ އެ ޢަމަލެއް ބަޔާންދެއްވާފައިވާ ގޮތާއި ޚިލާފަށް)ކޮށްފި ނަމަ، އެ ޢަމަލެއް ވަނީ (ޤަބޫލުނުކުރެވި) ރައްދުކުރެވިގެންނެވެ. ނަބިއްޔާ صَلَّىٰ اللهُ عَلَيْهِ وَسَلَّمَގެ ކިބައިން ޘާބިތުވެގެންވެއެވެ.

އެހެން ރިވާޔަތެއްގައި ވެއެވެ.