ސަޖިދައިގައި ޤުރުއާނުގައިވާ ދުޢާގެ އާޔަތްތައް ކިޔޭނެތަ؟

إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:

ފުރަތަމައީ: ސަޖިދައިގައި އަދި ރުކޫގައި ޤުރުއާން ކިޔެވުމަކީ ނަބިއްޔާ صَلَّىٰ اللهُ عَلَيْهِ وَسَلَّمَ ނަހީކުރައްވާފައިވާކަމެކެވެ.

އިބްނު ޢައްބާސް رَضِيَ اللهُ عَنْهُގެ ކިބައިން ރިވާވެގެންވެއެވެ. ނަބިއްޔާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.

ޢަލީ ބުން އަބީ ޠާލިބު رَضِيَ اللهُ عَنْهُ ވިދާޅުވެފައިވެއެވެ.

ރުކޫޢުގައި އަދި ސަޖިދައިގައި ޤުރުއާން ކިޔެވުން މަކްރޫހަކަމުގައި ޢިލްމުވެރިން ވަނީ އިއްތިފާޤުވެވަޑައިގެންފައެވެ.[3]

ނަމާދުގައި އެންމެ މަތިވެރި ރުކުނަކީ ޤިޔާމުގައި ހުރުމެވެ. އަދި އެންމެ މަތިވެރި ޛިކުރަކީ ޤުރުއާނެވެ. ދެ މަތިވެރިކަންތައް (ނަމާދުގައި ޤިޔާމުގައި ހުރުމާއި ޤުރުއާން ކިޔެވުން) އެކީގައި ލެއްވިއެވެ. އަދި އިތުރު މަޤާމެއްގައި ޤުރުއާން ކިޔެވުން ނަހީކުރެއްވިއެވެ. އެއީ (ނަމާދުގެ) އިތުރު ޛިކުރުތަކާއި ޤުރުއާން ކިޔެވުން ހަމަހަމަވެގެންވާކަމުގައި ހީވިޔަނުދިނުމަށް ޓަކައެވެ.[4]

އަދި ބައެއް ޢިލްމުވެރިން ވިދާޅުވެއެވެ. ޤުރުއާނަކީ އެންމެ މާތް ބަސްފުޅެވެ. އެހެނީ އެއީ ﷲ ތަޢާލާގެ ކަލާމްފުޅެވެ. އަދި ރުކޫޢުގައާއި ސަޖިދައިގައި އޮންނަ ޙާލަތަކީ އަޅާއަށް ނިކަމެތި ޙާލަތެކެވެ. ވުމާ އެކު މި ދެ ޙާލަތުގައި ﷲ ތަޢާލާގެ ކަލާމްފުޅު ނުކިޔެވުން އެއީ އެންމެ އަދަބުވެރި އަދި ރަނގަޅު ގޮތެވެ.[5]

ދެވަނައީ: ސަޖިދައިގައި ދުޢާކުރުމުގެ ޤަޞްދުގައި ޤުރުއާނުގައި ވާރިދުވެފައިވާ ދުޢާއެއް ކިޔުމަކީ މައްސަލައެއް ނޫނެވެ. އެހެނީ އެއީ ޤުރުއާން ކިޔެވުމެއް ނޫނެވެ.

މިޘާލަކަށް ޤުރުއާނުގައި ވާރިދުވެފައިވާ އަންނަނިވި ދުޢާ، ދުޢާކުރުމުގެ ޤަޞްދުގައި ސަޖިދައިގައި ކިޔުމަކުން އެއްވެސް މައްސަލައެއް ނެތެވެ.

އެހެނީ ނަބިއްޔާ صَلَّىٰ اللهُ عَلَيْهِ وَسَلَّمَ ޙަދީޘްކުރައްވާފައިވެއެވެ.

އައްޒަރްކަޝީ ވިދާޅުވެފައިވެއެވެ.

ޤުނޫތުގައި ޤުރުއާނުގެ ބައެއް އާޔަތް ކިޔުމަކީ އެއްވެސް މައްސަލައެއް އޮތް ކަމެއް ނޫނެވެ.[8]

އައްނަވަވީ ވިދާޅުވެފައިވެއެވެ.

މިއީ ދުޢާކުރުމުގެ ޤަޞްދުގައި އާޔަތްތައް ކިޔައިފި ނަމައެވެ.[10]