ހުކުރު ދުވަހު ކަހްފު ސޫރަތް ކިޔަވަން ޖެހެނީ ވަކި ވަޤުތެއްގައިތަ؟
إنَّ الحَمْدَ لِلَّهِ، نَحْمَدُهُ، وَنَسْتَعِينُهُ، وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، صَلَّى اللَّهُ عَلَيْهِ وَعَلَى آلِهِ وَأَصْحَابِهَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ، وَسَلَّمَ تَسْلِيمًَا كَثِيرًَا. أمَّا بَعْدُ:
ހުކުރު ދުވަހު ކަހްފު ސޫރަތް ކިޔެވުމުގެ މާތްކަން
ހުކުރު ދުވަހު ނުވަތަ ހުކުރު ވިލޭރޭ ކަހްފު ސޫރަތް ކިޔެވުމުގެ މާތްކަމާ ބެހޭގޮތުން ޞައްޙަ ޙަދީޘްތަކެއް ނަބިއްޔާ صَلَّىٰ اللهُ عَلَيْهِ وَسَلَّمَގެ އަރިހުން ވާރިދުވެ އައިސްފައިވެއެވެ. އޭގެތެރޭގައި:
އަބޫ ސަޢީދު އަލްޚުދުރީގެ އަރިހުން ރިވާވެގެންވެއެވެ. ނަބިއްޔާ صَلَّىٰ اللهُ عَلَيْهِ وَسَلَّمَ ޙަދީޘްކުރެއްވިއެވެ.
«مَنْ قَرَأَ سُورَةَ الْكَهْفِ لَيْلَةَ الْجُمُعَةِ، أَضَاءَ لَهُ مِنَ النُّورِ فِيمَا بَيْنَهُ وَبَيْنَ الْبَيْتِ الْعَتِيقِ»[1]
މާނައީ: "ހުކުރު ދުވަހު ކަހްފު ސޫރަތް ކިޔަވައިފި މީހަކަށް، އެ މީހަކާއި ކަޢުބަތުﷲ ގެފުޅާ ދެމެދު އަލިކޮށްދެނިވި ނޫރެއް ލެއްވޭނެއެވެ."
އަދިވެސް ޙަދީޘެއްގައިވެއެވެ.
«مَنْ قَرَأَ سُورَةَ الْكَهْفِ فِي يَوْمِ الْجُمُعَةِ أَضَاءَ لَهُ مِنَ النُّورِ مَا بَيْنَ الْجُمُعَتَيْ»[2]
މާނައީ: "ހުކުރު ދުވަހު ކަހްފު ސޫރަތް ކިޔަވައިފި މީހާއަށް، ދެން ޖެހިގެން އަންނަ ހުކުރާ ހަމައަށް އަލިކޮށްދެނިވި ނޫރެއް ލެއްވޭނެއެވެ."
މި ޙަދީޘާއި ބެހޭގޮތުން "تَخْرِيجُ الْأَذْكَارِ"ގައި އިބްނު ޙަޖަރު رَحِمَهُ اللهُ ވިދާޅުވެފައިވެއެވެ. "މިއީ ޙަސަނު (ދަރަޖައިގެ) ޙަދީޘެކެވެ." އަދިވެސް ވިދާޅުވެފައިވެއެވެ. "އަދި މި ޙަދީޘަކީ ހުކުރު ދުވަހު ކަހްފު ސޫރަތް ކިޔެވުމާއި ބެހޭގޮތުން ވާރިދުވެފައިވާ އެންމެ ބާރުގަދަ ޙަދީޘެވެ."[3]
ހުކުރު ދުވަހު ކަހްފު ސޫރަތް ކިޔަންވީ ކޮން ވަޤުތަކު؟
ހުކުރު ދުވަހު ނުވަތަ ހުކުރު ވިލޭރޭ ކަހްފު ސޫރަތް ކިޔެވިދާނެއެވެ. ބުރާސްފަތި ދުވަހުގެ އިރު އޮއްސުމާ އެކު ހުކުރު ވިލޭރޭ ފެށުނީއެވެ. އަދި ހުކުރު ދުވަހުގެ އިރު އޮއްސުމާ އެކު ހުކުރު ދުވަސް ނިމުނީއެވެ. ވުމާ އެކު ހުކުރު ދުވަހު ކަހްފު ސޫރަތް ކިޔުމުގެ ވަޤުތަކީ ބުރާސްފަތި ދުވަހުގެ އިރުއޮއްސުމުން ހުކުރު ދުވަހުގެ އިރު އޮއްސުމާ ހަމައަށެވެ.
އަލްމުނާވީ رَحِمَهُ اللهُ ވިދާޅުވެފައިވެއެވެ.
އަލްމުނާވީ رَحِمَهُ اللهُ އަދިވެސް ވިދާޅުވެފައިވެއެވެ.
ހުކުރު ދުވަހު އާލްޢިމްރާން ސޫރަތް ކިޔެވުމަކީ ސުންނަތެއްތަ؟
ހުކުރު ދުވަހު އާލްޢިމްރާން ސޫރަތް ކިޔެވުމާއި ބެހޭގޮތުން ޞައްޙަ އެއްވެސް ޙަދީޘެއް ވާރިދުވެފައެއް ނެތެވެ. މިކަމާ ގުޅޭގޮތުން ވާރިދުވެފައިވާ ހުރިހާ ޙަދީޘަކީ ވެސް ވަރަށް ބޮޑަށް ޟަޢީފް (ބަލި) ނުވަތަ މަޢުޟޫޢު ޙަދީޘްތަކެވެ.
وَاللهُ أَعْلَم.
މަޞްދަރު: الإسلام سؤال وجواب.